نین رسمش نهه

دو کلوم حرف با مردم بادرود که با وبلاگ وسایت سرکار دارن.

باسلام خدمت همو شمه نویسندو وقلم وکاغذ بدستون .اگه بشی رو گوگل اسم هر شهر ووروستائی رو ایران دء در کودی اوینین اولین کلمه که پیدایه معرفی آوادی ومنطقه وچمه نچو ارزندشونن ولی اگه کلمه آوادی امه «بادرود»درکودین اوینین تعداد خیله سایت شناسائی اگلن که به نوبه خوش دء کار بسیار اصابی ونچییه که نقده وبلاگ وسایت رو بادرود دةء فعالن .اما یا سئوال نینه که چرا بعضیا از نین همو نچی بادرود امه فقط پیه گورد کردن مشکلات درن مگه نزونی هر چه رو نین اینترنت دء وارد گله تموم سر دنیا دء آرخونه پس توصیه اکرون به هم همشهریون عزیزمون که بئین از نچی های نین آوادی بنویسین نوشتن وگرد کردن چئهای جیج وو ارزش کاری از مشکل آوادی امه حل ناکره . نین کار عده ای هه که اشون پیه اختلاف رو نین آوادی دء بو وخو به قودرت و منصبشون برس سن کاش به روجی برس سین که همو بایا واسه فاک وا کردن بززی وکدورت خومون را قلم در کوودین وفقط فکر وذکرمون رشد وآوادانی نین آوادی بو .

ایشالا....خودا بمرادون